Campanha 2012-2013 "Apprenons l’occitan"

Aprene una lenga es pas reservat als escolans, collegials e liceans e, per bon astre, es jamai tròp tard per s’i metre. Subretot quand òm vòl aprene l’occitan. Existís al prèp del cò vos una ofèrta variada de corses d’occitan, estagis d’estiu, estagis intensius imersius, de talhièrs de discutida, cors per correspondéncia, cors del ser, per debutants o per de locutors avançats... Tot i es !

Pels demandaires d’emplec en reconversion professionala, l’occitan es un pus que pòt plan donar sus un emplec. Pels parents que an de mainatges escolarizats en escòla bilingüa o calandretas, la coneissença de l’occitan permet d’acompanhar lo mainatge dins son aprentissatge. Per la còla personnel enquadrant dins los ostals de retirada e/o los espitals, aquò permet d’èsser pus prèp del pacient. Pels mestièrs ligats al torisme o als productors locals, aquò permet de desvolopar una identitat originala ligada al païs. E puèi, l’aprentissatge d’una lenga, subretot l’occitan, a pas forçòsament besonh de se dotar d’arguments utilitaris. Aprenetz subretot l’occitan pel plaser, e amb jòia. Bonaür de comunicar dins la lenga d’aquí, libertat d’accedir a una cultura rica sus totes los aspèctes.

Contacte
Vosautres tanben, vos podètz informar a prepaus dels luòcs de corses, las actualitats ligadas a aqueles corses, estagis, formacions e autras entresenhas sul site :
aprenemloccitan.com,
contact@aprenemloccitan.com
o al :
08 00 74 69 64 (nº verd, sonada gratuita dempuèi un pòste fixe).

Libertat, jòia, bonaür, plaser : perqué pas se metre a l’occitan ?

"Apprenons l’occitan - Aprenem l’occitan" es una campanha d’informacion suls corses d’occitan per adultes menada per l’Institut d’Estudis Occitans e los Centres de Formacion Professionala Occitans.

A lo sosten en 2012 del Conselh Regional d’Aquitània, del Conselh Regional d’Auvernhe, del Conselh Regional del Lemosin, del Conselh Regional de Miègjorn-Pirenèus, del Conselh Regional de Peitau-Charantas, del Conselh Regional de Provença Aups Còstas d’Azur, del Conselh Regional de Ròse Aups, e del Ministèri de la Cultura e de la Comuniacion.

La campanha 2012 es realizada en partenariat amb lo Conselh General de l’Arièja, lo Conselh General de l’Aveiron, lo Conselh General de la Dordonha, lo Conselh General del Gard, lo Conselh General del Gers, lo Conselh General de Lèira Nauta, lo Conselh General d’Òlt, lo Conselh General d’Òlt e Garona, lo Conselh General dels Pirenèus Atlantics, lo Conselh General de las Pireneas Hautas, lo Conselh General del Tarn, lo Conselh General del Tarn e Garona, e lo Conselh General de Viena Nauta.