Estar volontari en 2015

Los 2000 aderents de l’IEO, repartits hens los diferents nivèus de la soa federacion (seccions regionaus, seccions departamentaus, cèrcles lcoaus)à, que s’engatjan cada dia dens ua - e sovent mei d’ua - accion associativa entà menar accions de socializacion de la lenga occitana.

Totun, quitament s’avèm obtengudas quauques avançadas, que hè necèra de tornar dinamisar l’ensemble deus actors, e en tot purmèr au nivèu associatiu.

Entad aquò, l’accion e l’importancia deus benevòles, a costat deus salariats, que deu estar melhor coneishuda, e lo lor nombre que deu augmentar entà mei d’accions e sian possiblas. Qu’es aquò, lo messatge purmèr d’aqueste aperet : augmentar l’engatjament dens o a costat de las associacions au benefici, fin finau, de las accions menadas o a crear, lo tot au servici de la lor visibilitat, e docn au servici de la socializacion de la lenga e de la cultura occitanas.

Conscients d’aquesta necessitat, l’accion es entitolada "Estar volontari per l’occitan" !

Perqué ?
– Pr’amor cadun es de mei en mei sollicitat per causas divèrsas,
– Pr’amor ua baisha de la dinamica associativa (pas unicament per l’occitan) es visibla au moment que hèn necèra mei de mejans financèrs e umans tà portar los projèctes qu’avèm,
– Pr’amor la lenga occitana es miaçada per la pensada dominanta d’ua cultura mondiau minima e partetjada,
– Pr’amor l’abséncia de politica publica vertadèra que manca entà l’occitan, que las promessas n’eston pas tengudas e los mejans financèrs que s’anoncian enqüèra en demenesida, que’ns caleré har mei e mielhor dab MENSH,
– Pr’amor qu’èm responsables que n’i a pas nada fatalitat,
– Pr’amor que devem, nosautes, decidir l’aviéner de al lenga e de la cultura occitanas.

De quina faiçon ? En tot junhèr lo demiei associatiu occitan !

– Estar benevòle en çò d’ua associacion que s’implica entà la lenga e la cultura occitanas, qu’es PARTICIPAR !
– Aver ua competéncia, que sia linguistica o technica, e la voler partetjar dab los curios, los aprenants, los associatius, la societat tota, qu’es ESTAR RECONEISHUT,
– Dar un chic deu sont temps, de la soa energia, au benefici d’un moviment globau tà consolidar l’existent tà contnuhar de bastir amassa, qu’es AGIR !

Alavètz, que podètz junhèr lo moviment associatiu occitan, l’IEO e la soa federacion, com har coneisher aqueste aperet a l’ensemble de las personas que, conscientas de l’importancia de çò que hèm totes, nos poderén junhér !

— Que trobaratz dens d’autes articles dens aquesta seccion :
– d’exemples de çò que podètz har hens las associacions (accions, competéncias, eca),
– los utis de comunicacion (afichas),
– exemples d’accions de cap a l’IEO.