L’European Language Equality Network (ELEN) tenguèt son Amassada Generala lo 17 de decembre de 2016 a Barcelona (Espanha). L’IEO, qu’es una de las compausantas, presenta aquelas principalas recomandacions.

Lo malhum europèu per l’egalitat de las lengas (ELEN) es una Organisacion Non Governamentala creada en 2011 e reconeguda per le Parlament europèu. ELEN representa uèi 44 lengas per sos 150 membres de 22 Estats europèus diferents. Mai d’un de sos membres an atal expausats lors accions per la proteccion de la lenga del país de cadun, coma per lo gallés, le magiar, l’asturian o lo ròmani.

ELEN sosten totalament lo protocòl de Donostia per la garantida dels drechs lingüistics, dont foguèt essenciala dins sa creacion. Engatja tanben sos membres a utilisar los mejans existents, coma l’obertura de proceduras d’infraccion de l’Union europèa, per assuregar los drechs lingüistics en Euròpa.

ELEN presentèt son projècte de numerizacion de la diversitat lingüistica qu’a per objectiu d’assegurar la durabilitat de las lengas minoradas per lo biais d’acquisition de coneissanças e d’aptituds per que los intervenants crean e partejan del contengut dins lor lenga sus d’aparelhs numerics.

Alèxis Quentin, vici-president de l’IEO, remembrèt sas intervencions per la ratificacion de la Carta europèa de las lengas regionalas ou minoritarias, e sos trabalhs amb l’ONU e ELEN França. Foguèt tanben elegit per 3 ans al Comitat de pilotatge d’ELEN.

Per aver un resumit video d’aquela Amassada Generala, clicatz aicí.