Sètz aicí : Acuèlh > Nòstras missions > Ensenhar l’occitan > PARLESC > Lo label PARLESC

Lo label PARLESC

Per garantir un aprenent d’una qualitat minimala de cors, l’IEO a creat, en partenariat amb los Centre de Formacion Professionala Occitans, lo labèl PARLESC. Cada cors ne pòt far la demanda.

Lo label PARLESC

Per aquò, un quasèrn de las cargas es estat establit. Tracta en uèit punts çò que constituís la qualitat d’un cors : un organisme estructurat, de locals adptats, un acuèlh atentiu, un quadre professional confòrme, d’ensenhaires competents, un environament propici, una demarcha leiala e una informacion sincèra. Aqueles punts son represes dins un dorsièr de candidatura que basta d’emplenar.

 

De qué servís lo labèl PARLESC?
Parlesc es aquí per garantir una qualitat de cap a l’apreneire en cèrca d’un cors estructurat. Mas tanben, inclure mantunes corses dins un meteis labèl ne favoriza la visibilitat. Los corses labellizats serán dins un primièr temps mes en valor al dintre de la campanha de promocion “aprenem l’occitan, l’occitan je m’y mets!” jos la forma d’un logo. Enfin PARLESC es un ciment entre los diferents corses per adultes : en prepausant de formacions didacticas e de temps d’informacion al labèl, los ensenhaires an aital l’escasença de se rescontrar e d’escambiar sus sas practicas e de n’apréner d’autras. Far la demarcha del labèl es mai aisida aital.

Las formacions PARLESC:
De temps de formacion a PARLESC son estats regularament organizats. Ara una jornada de formacion didactica coplat amb lo moment d’informacion a PARLESC se generaliza. Es aital que lo 24 e 25 de julhet 2010 a Sent Flor en partenariat amb l’IEO Cantal se faguèt una descobèrta del metòde Olpan e son adaptacion possibla a l’occitan, puèi los formators descobriguèron cossí desdramatizar l’avaloracion en cors per adultes.

Las formacions a venir :
Un calendièr de las formacions PARLESC será lèu disponible sus www.parlesc.com. Son tres formacions diferentas per an d’una jornada e mièg repartida sus tota Occitania.

 

Lire la page en français
Fichièrs de descargar