Per illustrar lo collòqui de Tarba sus la Transmission familiala e naturala de l’occitan e de las lengas minoritàrias, l’IEO comandèt un filme qu’illustra l’eretatge de la lenga en cò de la nòva generacion de locutors.

Son en fach dos filmes de 6 e 8 minutas e un bonus de 3 minutas que foguèron registrats al moment de la manifestacion de Carcassona lo 24 d’octobre de 2009 per Piget Produccion.

Se i tratan de doas grandas questions pausadas a d’occitans de 15 a 40 ans : lo biais que mos parents m’an transmetut la lenga, e lo biais que la pensi transmetre a mon torn a mos enfants ?

Un filme que se pòt projectar pertot, que s’i veson d’occitanofònes descomplexats.

Contactatz l’IEO per recebre lo filme aicí.

Veire l’article sul congrès e sos actes aicí·

---

Mos parents m’an transmetut 6 minutas 20.
Parli occitan a mos enfants 8 minutas 17.
+ Bonus 2 minutas 58.

Filme en occitan sostitolat en francés.
La transmission familiau e naturau de la lenga occitana, Piget produccion, IEO, 2009, 7€, 14 minutas.

Aquestes filmes foguèron comandats per l’Institut d’Estudis Occitans (IEO) per una difusion al moment del congrès sus La transmission familiala e naturala de la lenga occitana e de las lengas minoritàrias d’Euròpa, organizat lo 20 e 21 de novembre a Tarba.
Realizacion : Amic de Piget.
Produccion : Institut d’Estudis Occitans (IEO), amb lo sosten de Network to Promote Linguistic Diversity (NPLD).