Volontariat per l’occitan - Etapa 1
Lo "Volontariat per l’occitan" a per tòca la mesa en relacion d’un "Volontari": una persona que mestreja l’occitan, amb un “Aprenent”: qualqu’un que sap las basas de l’occitan e que vòl préner d’assegurança.
De luòcs per charrar liurament
L’amira es de far se retrobar Aprenents e Volontaris 1 h per semana dins un endret precís, pendent 10 setmanas de seguida : a l’entorn del mes de decembre 2010 fins al mes de febrièr 2011. Nos cal doncas establir una tièra de luòcs dubèrts al public ont se pòt charrar tranquilament, d’un biais agradiu e informal.
ETAPA 1 : REFERENÇAR LOS LUÒCS D’ACUÈLH DE CONVÈRSAS
Detalhs practics
– Cap participacion financièra, al contrari : vos donatz mai de possibilitat per generar mai de frequentacion sul vòstre luòc d’acuèlh del public.
– La lista dels luòcs d’acuèlh serà publicada sus un desplegant d’informacion e d’inscripcion per las personas que vòlon participar, e tanben en linha.
– Cada persona que participa a l’operacion deurà causir un luòc ont vòl anar charrar.
– Mèfi ! Sètz pas assegurats d’aculhir de participants : aquò dependrà del nombre d’inscripcions, de la compatibilitat del vòstre moment de dubertura al public e de las disponibilitats de cadun, e sustot de lor luòc d’abitacion.
– Las afichas e documents d’inscripcion pel public sortiràn lèu e seràn difusidas.
– E aital, vos demòra sonque d’emplir la ficha d’informacions çai-sus e de las tornar a l’IEO en esperar la seguida.Per mai d’informacions, esitètz pas de contactar l’Institut d’Estudis Occitans (Cecila Chapduelh), 11 carrièra Malcosinat, 31000 Tolosa, 05 34 44 97 11, volontariat@ieo-oc.org.
Notatz : Benlèu a títol personal, seretz interessats per participar al projècte. Paciéncia! Las inscripcions al Volontariat seràn dubèrtas un còp que coneitrem la lista definitiva dels luòcs ont se retrobar.
Article ligat : Volontariat per l’occitan- Inscripcions.
