Sètz aicí : Acuèlh > Nòstras missions > Viure l’occitan cada jorn > Labèl Òc per l’occitan per las collectivitats > Los labellizats > Labèl Òc per las collectivitats, Aurelhan que s’engatja

Labèl Òc per las collectivitats, Aurelhan que s’engatja

Que coneishetz lo labèl Òc per l’Occitan per las entrepresas e professionaus que valorizan l’occitan dins la vita economica.
En 2010, l’IEO qu’a creat un labèl Òc per l’Occitan especific per las collectivitats localas per’mor las collectivitats tanben que pòden miar accions tà dar mei de visibilitat a la lenga occitana.

Labèl Òc per las collectivitats, Aurelhan que s’engatja

Lo labèl Òc per l’occitan entà las collectivitats?
Un quasèrn de cargas perpausa la mesa en plaça d’un cinquantenat d’accions dens lo domeni de l’afichatge de la lenga (senhalizacion, comunicacion institucionau), de sa transmission e de son utilizacion de cap au public.

 

Tres nivèus de labellizacion que son possibles que corresponen a grads diferents d’engatjament.
Nivèu 1 : 5 accions a realizar
Nivèu 2 : 10 accions a realizar
Nivèu 3 : 15 accions a realizar

Las tarifas de labellizacion que son estadas definidas en foncion deu nombre d’abitants de la collectivitat.

Un document mai precís será publicat en 2011. Se podrá aital explicar melhor a las collectivitats l’interés d’aquela labellizacion coma plan segur las tòcas de la valorización de la lenga dins l’airal public. Per l’ora, contactatz directament l’Institut d’Estudis Occitans per mai d’entresenhas.
Per ne saupre mai sul labèl Òc per l’occitan.

La comuna d’Aurelhan s’engatja

La comuna d’Aurelhan (al ras de Tarba dins Hautas Pirenèas) s’es engatjada oficialament dins lo processús de labellizacion lo dijòus 16 de decembre de 2010.
Al cap d’un máximum de 5 ans, delai causit en rason de la noveltat de l’accion, la comuna recebrà oficialament lo nivèl 1 del labèl Òc per las collectivitats.

Per aquò, deuràn realizar cinc accions :
  La mesa en plaça d’una senhalizacion bilingüa d’entrada e de sortida d’aglomeracion,
  La corrección oficiala dels noms de luòcs deformats o mal ortografiats,
  La participacion a la campanha d’informacion suls corses per adultes Aprenem l’occitan,
  La constitucion e lo renovelament regular d’un fons de libres occitans a la biblioteca municipala,
  L’informacion del public sus las activitats menadas per desvelopar l’occitan sus la comuna d’Aurelhan.

Una conselhèra municipala e una tecniciana foguèron nomenadas per asegurar lo seguit e la mesa en plaça d’aquelas accions. La comuna será tanben acompanhada per l’Institut d’Estudis Occitans.

Un còp las accions causidas realizadas, la comuna d’Aurelhan recebrà oficialamentlo labèl nivel 1 e aurà la possibilitat de s’engajar cap al nivel 2.

E aprèp?
La tòca ara per l’IEO e l’Ofici per l’occitan, a l’origina del projècte, es de menar a s’engatjar de collectivitats mai grandas, que serián aital motritz d’una dinamica fòrta pel labèl.
Aital Aurelhan poriá èsser la primièra pèira cap a una labellizacion de Tarba que n’es tot pròche.
Un trabalh es tanben a se far per menar la vila de Tolosa a s’engatjar dins lo processús de labellizacion.

Fòtos : Jean-Claude GARROCQ – Nouvelle République des Hautes-Pyrénées.
d’esquerra a man dreta: Anne-Lise GAILLARD (comuna d’Aurelhan), Jan Moreu (Director de l’IEO nacionau), Yannick BOUBEE (conse d’Aurelhan), Pierre FAURE (1er adjunt d’Aurelhan e delegat a la cultura), Sarah DUCO (elegita referenta a la comuna d’Aurelhan).

 

Lire la page en français
Portfòlio de l'article