Manifestacion dau 31 de març 2012 : crida a sosten financier !
Mai que jamai nos fa mestier de vòstre sosten e d’en premier dau sosten financier, per pagar lo materiau de promocion, l’embaucha d’un permanent e son foncionament ; gerir l’organizacion materiala de la jornada, la securitat, etc ; e capitar la manifestacion dau 31 de març de 2012 !
Tenir l’escomessa de capitar la Manifestacion de 2012, a Tolosa, se farà pas sensa lo sosten de totei !
Aquò nos va demandar una fòrta capacitat de mobilizacion… e fasèm rampelada en totei per la creacion de comitats locaus e regionaus actius tre ara per la faire créisser.
Mai que jamai devèm faire passar lo messatge que la lenga es l’afaire de totei, de l’ensems de la societat.
La fòrça de proposicion dau monde associatiu e l’investiment de cadun an començat de faire bolegar lei causas. Es aquela fòrça que nos menarà sus lo camin de la reconoissença dei drechs que volèm per nòstra lenga.
Lo budget d’organizacion de la manifestacion es estimat a 30 000€.
Leis associacions sòcias de la Coordinacion investisson mai aquò basta pas ! Vòstra participacion nos es necessària.La lenga es l’afaire de totei !
Oblidètz pas que «espiga fai eimina» e pauc que pauc, ajudatz-nos de faire de Tolosa 2012 una capitada dei bèlas…
La Coordinacion «Per la lenga occitana !»
