La diversitat lingüistica e culturala dins lo monde es un enjòc màger per las annadas que venon. En França, las lengas regionalas e en particular l’occitan fan partida de las lengas classificadas “en dangièr serios d’escantiment” segon l’UNESCO. Aquò deu apelar una politica volontarista de sauvagarda e de desvolopament de la lenga e de la cultura occitanas e d’accions significativas menadas en partenariat amb las diferentas collectivitats territorialas e l’Estat, qui a una responsabilitat particulara sus aquela question.
En efèit, la França a ratificat la « Convencion sus la proteccion e la promocion de la diversitat de las expressions culturalas » atal coma la « Convencion sus la sauvagarda del patrimòni immaterial de l’umanitat ». De mei, la lei constitucionala deu 23 de julhèt 2008 de modernisacion de las institucions de la Vau republica a ajustat dens la Constitucion un articla 75-1 que ditz que “las lengas regionalas fan partida del patrimòni de la França”.
D’un autre costat, la presencia d’aquel article au miei del titol consacrat a las collectivitats territorialas los balha tota la legitimitat per menar d’accions de promocion e de desvelopament de las lengas regionalas en ligason amb l’Estat.

Per la Region Mieigjorn-Pirenèus, l’occitan constituis un element fondamental que fa l’identitat e la personalitat de la region, primierament com una part deu patrimòni regional, nacional e mondial, e segondament com participant a l’identificacion deu territòri, au refortiment deu ligam social e la dubèrtura interregionala, en particular en direccion de las autas regions occitanas e de las regions au sud de las pirenèus.
La darrièra enquista sociolinguistica sus las competencias, usatges e representacions de l’occitan en Mieidia-Pirenèus qui ei estada menada jos mestresa d’obratge de la region, amb un partenariat dab los conselhs generaus de l’Arièja, del Gers, de las Pirenèus-Nauts, del Tarn e de la DRAC, alprèp de 5 000 ciutadans de Miegjorn-Pirenèus, representatius de la populacion regionala segon los criteris INSEE, confirman aquel estacament pregond des ciutadans cap a la lenga e la cultura propia deu territòri.
Es per aquelas rasons que la Region Mieidia-Pirenèus mena dempuèi mantunas annadas una accion volontarista dens aquel domeni en ligam amb sos autres partenaris publics e privats que s’apièja sus :

• un esquèma regional de desvelopament de l’occitan sus lo periode 2008-2013, adoptat lo 20 de decembre 2007,
• una Amassada, conselh de desvelopament de l’occitan en Miiejorn-Pirenèus, instancia partenariala entre actors publics (Estat, collectivitats) et privadas, creada en 2009,
• una convencion cadre de partenariat amb lo Rectorat e la DRAAF, sus lo periode 2009-2015, signada lo 1er de decembre 2009.

S’agis, a l’escala regionala, de menar d’accions significativas de desvelopament de l’occitan dens lo cadre d’une politica publica partenariala qui recampa la Region, las Collectivitats territorialas, los servicis deconcentrats de l’Estat, los actors associatius interessats per la promocion de l’occitan.
Tamben, a l’escala interregionala, Mieidia-Pirenèus dab d’autas regions de l’espaci occitan, qu’a adoptat pendent lo soa darrèra comission permanenta la “Carta de cooperacion interregionala e transfronterrenca de desvelopament de la lenga occitan o lenga d’oc”. Las collectivitats regionalas, signataris d’aquera carta, que volen uei lo dia s’associa entà definir e har amassa ua navèra politica partenariala per la lenga e la cultura occitana, aquesta còp a l’escala interregionala, enta ajudar la mutualisacion de mejans e de competencis.
L’enquista sociolinguistica de qui los resultats e son estats publicats recentament, mostra une espera fòrta deus ciutadans de Miegjorn-Pirenèus dens aquel domeni, qui correspond au niveu nacional a un estacament important deus ciutadans au lor patrimòni immaterial.
L’objectiu es uèi de passar a una novèla etapa e de permetre en França, tau que lo disen los textes internacionaus que reconeishen a tota persona lo dret imprescriptibla de practicar una lenga regionala, de conéisser las culturas que las veïculan e de participar a lor transmission :

• En ofrissent una melhora plaça de la lenga e de la cultura d’Òc dins los mèdias,
• En encorajant mai la creacion literària, teatrala, musicala e cinematografica en lenga d’Òc.
• En desvolopant los ensenhaments de l’occitan e en occitan per una politica d’ofèrta generalizada,
• Enfin, en desvolopant la preséncia de l’occitan dins la vita publica (senhalizacion, usatge de la lenga)

Per aquò, lo Conselh Regional Miègjorn-Pirenèus s’associa a la crida « Anem Oc ! per la lenga occitana » e torna demandar a l’Estat una lei de proteccion e de promocion de las lengas e culturas regionalas de França atal coma las adaptacions juridicas e financieras necessàrias, per marcar lor reconeissença e lor presa en compte dins la societat de uèi.