Session 2012 del DCL Occitan (Diplòma de Compétencia en Lenga)
LO DCL (diplòme de competéncia en Lenga) es un diplòme d’Estat desliurat pel ministèri francés de l’ensenhament. Dempuèi l’an passat, gràcias a l’investiment de l’IEO amb mai d’un associat, existís un DCL occitan. Aquel diplòma es dubèrt a totes quines que sián lo nivèl d’estudi e la competéncia de basa. A per tòca d’avalorar las competéncias d’utilizacion e de produccion de l’occitan dins un cadre social o professional. Las inscripcions son dubèrtas tre ara e fins al 11 de març 2012 sul site del DCL.
L’interés : aquesir una certificacion oficiala segon los critèris del quadre europèu per las lengas que siague utilizabla per l’ensemble de la populacion coma per los ensenhaires dels corses pels adultes qui volen, per exemple, dintrar dins un procediment de labellizacion PARLESC (www.aprenemloccitan.com).
Dins l’encastre de la politica publica partenariala menada per la Region Mièjorn-Pirenèus e pel Rectorat de l’acadèmia de Tolosa de cap a la transmission de l’occitan, los fraisses d’inscripcion son preses en carga a 80% pels candidats que demòran en Miègjorn-Pirenèus e que son activitat professionala contribuís a formar de locutors novèls. Notatz tanben que lo DCL, coma diplòma nacional professional, pòt balhar dreit a d’ajudas per la preparacion e l’inscripcion. Informatz-vos alprèp de vòstre emplegaire o de vòstre Pòl emplec.
Per ne saber mai
Telecargatz la plaqueta de presentacion en francés
Telecargatz la plaqueta de presentacion en occitan
Véser lo sit ministerial del DCL
Cossí s’inscriure ?
L’inscripcion es obligatòria sul sit del DCL abans lo 11 de març de 2012.
L’examèn se debana lo 1èr de junh de 2012 a Tolosa e Milhau.
Formacion lingüistica
Consultatz lo site Aprenem l’occitan.
Formacion a l’examèn DCL
Greta Tolosa : 05 61 77 26 76
Greta Sud Avairon : 05 65 61 46 00
Contacte per mai d’entresenhas