Qual vòl ganhar un tresaur, d’aitant mai un tresaur occitan… ? Vos caldrà pacientar fins al 1èr de genièr 2013, data del lançament de las operacions e dobertura oficiala de la caça…mas empacha pas de vos entresenhar avant, tot al contrari.

Web Tresor, associacion labelizada Oc per l’Occitan, especializada dins l’organizacion de caças al tresaur e l’IEO, que pòrta lo label prèp son partenari l’Ofici per l’Occitan, vos prepausan una descoberta originala de l’espaci occitan e dels labelizats Oc per l’Occitan.
Caçaires de tresaurs, rejonhètz nos e partissètz per la meteissa ocasion a la descoberta de sitis pintoresques ; fasètz de rescontres amb d’autres afogats de passejadas e d’aventuras atal coma amb de populacions localas autenticas e atrasentas.
Labelizats, la capitada repausa sus vosautres, que nos cal 20 estructuras que accepten de jogar lo jòc propausant de lòts que ensem faràn lo tresaur.
Los caçaires de tresaurs auràn l’escasença de vos rescontrar, atal de descobrir d’un biais ludic los vòstres servicis e produches ; serà tanben per vosautres un faiçon de confirmar lo vòstre engatjament a nòstre costat per la promocion de la lenga e de la cultura occitanas.

Per las entresenhas :
Site: http://occitania.web-tresor.com e a Rodés, a l’Estivada sul estand del labèl (IEO)