Darrièrs preparatius per la manifestacion a Montpelhier !
Vaquí la publicacion de la Letra de ligason n°4 del 29 de setembre de 2015. Renova los documents per la revendicacion e per los Comitats locaus. Puèi precisa lo vilatge occitan sus l’esplanada, l’arribar sus l’Esplanada ambé un bus e lo programa previsional de la la manifestacion del 24 d’octòbre de 2015 a Montpelhier.
COORDINACION «Per la lenga occitana !»
Contacts :
contact@anem-oc.org
04 67 06 81 16 / 06 88 59 69 04
06 84 73 67 65
Site : http://www.anem-oc.orgLetra de ligason n°4 – 29 de setembre de 2015
Adieu en totei,
PERQUÉ ANAR MANIFESTAR lo 24 d’octòbre de 2015 ?
Quauqueis avejaires rapugats dins l’estiu per Tè.Ve.Òc que vos lei presenta dins una video : http://www.anem-oc.org/videos/.Ambé leis intervencions de :
– Pèire Brechet, president de l’Institut d’Estudis Occitans,
– Dàvid grosclaude, conselhèr regionau d’Aquitània,
– Domenge Château-Annaud, militant,
– Bernat Vaton, associacion Ben Lèu (Aurenja),
– Claudina Paul-Gròs, professor d’occitan e contaira,
– Roland Pecout, escriveire,
– Gustave Aliròl, conselhèr regionau d’Auvèrnhe,
– Lidvina Kempf, administratritz de l’IEO.
http://teveoc.e-monsite.com/RADIÒ :
Als 4 Vents, l’emission del Cercle Occitan del País de Carcassona, sus RCF-Pays d’Aude, del dimenge 11 d’octobre (miègjorn) serà consacrada a la manifestacion de Montpelhièr (redifusion : dijòus 15, 18h30).
Se pòt escotar de pertot sus www.rcf.fr (seleccionar RCf-Pays d’Aude), puèi se poirà podcastar via https://rcf.fr/vie-quotidienne/als-4-ventsURGÉNCIA, PER LA LENGA OCCITANA !
L’accion de terren, de proximitat, es assenciala e diriáu meme vitala per la subrevida de la lenga.
Es ela, qu’a permés despuei mai de cinquanta ans de la mantenir en plaça, de li assegurar una certana continuitat.
Mai coma siam lucides, sabèm pasmens que capitèt pas d’empachar la baissa dei locutors.
Sabèm encara que dins la societat de uei, l’interès dau monde per un tèma ò una question es mai que mai condicionat per son environament public, mediatic, numeric, publicitari e per totei lei reconoissenças institucionalas e autrei que lei valorizan, e que ne’n tròban lo resson dins sa vida vidanta.
Alora, vèn an aquelei que creson a « l’idèia occitana » de se bolegar per que se desvolope aquest environament favorable que demorarà sempre minimau tant que i aurà ges de reconoissença oficiala legala.
Se volèm èstre entenduts e seguits per lei ciutadans fau que tròban aquesta valorizacion d’una lenga occitana portaira de sa cultura d’en pertot dins lo domèni public.
E l’accion de terren qu’es ja un dei vectors tras qu’important d’aquesta valorizacion (mai que basta pas, siam ben obligats de lo constatar !), deu trobar sa complementaritat dins una mobilizacion generala, que quiche, que fague pression sus lei decideires.
Occitans, d’aquí ò d’ailà, avèm de conquistar la reconoissença de nòstrei drechs que devèm posquer parlar nòstra lenga e viure nòstra cultura dins la dignitat, la legitimitat e la normalitat !ALORA, ÒC !
TOTEI a Montpelhier, lo 24 d’octòbre, qu’avèm una batalha de ganhar !
TOTEI a Montpelhier, lo 24 d’octòbre per la signatura de la Carta europenca,
TOTEI a Montpelhier, lo 24 d’octòbre per una LÈI que done un vertadier estatut juridic legau a la lenga occitana,
TOTEI a Montpelhier, lo 24 d’octòbre, per una politica linguistica publica coerenta e volontarista per son desvolopament !« ANEM ÒC ! PER LA LENGA OCCITANA ! »
Es totjorn temps de sostenir publicament la manifestacion, es pas l’ora de trantalhar !
qu’avèm d’afiermar publicament que volèm un avenidor per la lenga occitana, lo direm jamai pron !
L’enjuòc es lo rapòrt de fòrça… lei decideires comprènon qu’aquò !
Manifestatz vòstre sosten (particulars e associacions), mandatz vòstre nom (e vòstre logo) a :
contact@anem-oc.org
http://www.anem-oc.org/sostiens-soutiens1 – Lei documents per la revendicacion :
■ Podètz descargar sus lo site http://www.anem-oc.org/ (rubrica acuelh) de documents :
– la Crida e lo tèxte d’acompanhament,
– una letra a la premsa (que podètz adaptar a vòstre relarg) per l’avisar de l’eveniment e lei convidar a la Manifestacion,
– lei visuaus : afichas / bandèu…2 – Lei Comitats locaus :
Conferéncias de Premsa a venir :
– Paris (30/09) : Collectif interlengas dau 24 d’octòbre,
– Labastide-Murat dans le Lot (06/10) : AQUÍ L’ÒC avec Los Barjacaires,
– Montpelhier : (6 ò 8 d’octòbre) Coordinacion,
– Nimes (7/10) : IEO 30,
– Tolosa 13/10 : Coordinacion.3 – Vilatge Occitan sus l’Esplanada :
Vos podètz encara marcar per lo Vilatge que l’Esplanada es pron granda e i a encara de plaças.
Veire en PJ la ficha d’inscripcion.
contact@anem-oc.org
04 67 06 81 16 / 06 88 59 69 04 / 06 84 73 67 654 – Arribar sus l’Esplanada ambé un bus :<br
Lei Bus portaràn lei participants au Parking Joffre pròchi l’Esplanada e, ambé l’ajuda de la polícia municipala per la circulacion, s’anaràn pausar au Parking dau Zenith.
Procès invèrse lo vèspre a 18h e 23h per recuperar lo monde sigue a l’Esplanada, sigue pròchi lo Parvís de la Comuna.
En PJ an aquesta letra, la lista dei bus actualizada.5 – Programa previsionau de la jornada
Dissabte 24 d’octòbre :
■ Recampament Esplanada Charles De Gaulle (Prolongament de la plaça de la Comèdia) : luòc de partença de la Manifestacion.
■ A comptar de 10h30 : sus l’Esplanada, dubertura dau Vilatge occitan :
– bancs associatius, mangiscla, produchs dau terraire…<br<
– tendas d’acuelh e d’informacion
– pontin d’animacion (anóncias, presas de paraula…).■ 14h00 : Mesa en plaça dau cortègi e partença dau Passa-carrieras.
– l’itinerari : Lo cortègi partirà de la plaça de l’Esplanada Charles de Gaulle e l’i tornarem per acabar,
– presa de paraula de la Coordinacion.
– 17/18h ? – FIN de la Manifestacion.
Mai d’entresenhas : contact@anem-oc org 04 67 06 81 16 / 06 88 59 69 04 / 06 84 73 67 65.■ 19h – 22h30 : Parvis de la Comuna : CONCÈRT
prepausat per lo Collectiu Còp-Sec ambé Urban balèti (Fai Deli) / Bal du Grif / Laurent Cavalié.
Per ne’n saupre mai : collectiu.copsec@gmail.com / http://collectiu-copsec.comDivendres 23 d’octòbre :
Per aquelei que se pensan d’arribar avans ora, lo Med’òc prepausa una serada musicala, al bar associatiu La Barricade al 14, carrièra Aristide Olliviers, Montpelhier (escotisson : 2 euros).La Coordinacion
http://www.anem-oc.org
