Tot çò qu’avètz totjorn volgut saupre sus l’occitan enfin explicat dins un document agratís destinat a totes los publics. Per faire fàcia a una importanta demanda, l’IEO a publicat en decembre de 2015 tres novèlas versions del document, d’ara enlà disponible en francés, en anglés e en alemand.

Document dins son format A5, "L’Occitan... qu’es aquò ?" es una platafòrma d’envòl cap al monde en occitan : ne podètz saupre mai sus la lenga e la cultura occitanas. Son 28 paginas d’informacions que vos balharàn las claus per legir e prononciar l’occitan coma cal, apréner qualques frasas essencialas per se petassar dins la lenga, legir e cantar lo Se Canta amb sa traduccion, e ne saupre mai tanben sus la lenga e l’istòria occitana, sos personatges màgers, sa creacion artistica e literària, sos medias, sa plaça dins l’economia d’uèi e sul web.

Amb son visual leugièr e modèrne, lo tèxte q’aqueste document se legís melhor. Cada version, que siá en francés, en anglés o en alemand (veire aicí per l’italian e l’espanhòl) se pòdon accedir automaticament gràcias a de còdes-QR estampats a la pagina 3 del libret.

Agratís e largament editat, podètz pr’aquò contactar l’IEO per ne venir quèrre a l’associacion e difusar aquesta brocadura e far descobrir o tornar descobrir la lenga e la cultura occitanas al public qu’aculhissètz dins la vòstra estructura. Podètz trapar "L’Occitan... qu’es aquò ?" alprèp dels labellizats "Òc per l’occitan", dins nombroses oficis de torisme e associacions occitanas.

Contactes :
Per mai d’informacions, de visuals o d’exemplars d’aqueste document, contactatz l’IEO per mail ou telefòn :

– comunicacion@ieo-oc.org

– 05 34 44 97 11

Sèti de l’associacion :
11, carrièra Malcosinat
31000 Tolosa