La rubrica d’informations del 02/12/2016 del NPLD

– La jornada internacionala de la lenga basca serà celebrada lo 3 de decembre de 2016 per lo governament del Bascoat (Espanha). Lo ministre de la politica lingüistica basca Patxi Baztarrika debatrà amb l’escrivan basc Ibon Sarasola sus los enjòcs de la lenga basca.
Per ne saber mai sus aqueste eveniment, clicatz aicí.

– L’UNESCO e lo ministèri rus de l’educacion e de las sciéncias an recentament organisats una encontre al cimèl sus la situacion del multilingüisme tractat per internet en Russia. Aqueste país amassa uèi 100 lengas diferentas de pòbles autonòmes.
Per abordar aqueste encontre, clicatz aicí.

– Lo Centre européu per las lengas modernas del Conselh d’Euròpa, en cooperacion amb la Comission européa, organisa una video-conferéncia sus l’evaluacion de las competéncias lingüisticas lo 7 de decembre de 2016.
Per obténer de precisions sus aquesta video-conferéncia, clicatz aicí.

– L’impacte de las migracions sus las politicas lingüisticas serà analisat del 22 al 24 mai de 2017 pendent una conferéncia internacionala organisada per l’universitat d’Amsterdam (País Bas).
Per conéisser lo programa d’aquesta conferéncia, clicatz aicí.

– La Comission européa per l’educacion e la cultura, ajudada per sièis partenàrias de cinc país diferents, finança lo projècte "Competéncias comunicativas dels ensenhaires per los migrants e los mitans desfavorisats" per mai respondre als besonhs de las regions bilingüas européas.
Per examinar aqueste projècte, clicatz aicí.