La rubrica d’informations del 20/01/2017 del NPLD

– Un estudi recent demòstra que, dempuèi 1994, las ajudas financiaras de l’Union europèa a las lengas minorizadas permetan efectivament a totas las lengas de la comunautat de participar als programas europèus, mas provocan entre elas una rivalitat.
Per legir l’integralitat d’aquela analisi, clicatz aicí.

– "Vèrs un avenidor duradís gràcias a l’educacion multilingüa" serà lo tèma causit per l’UNESCO per celebrar en 2017 la jornada de la lenga mairala. La sedença social de l’UNESCO a Paris organizarà una conferéncia sus lo subjècte lo 21 de febrièr de 2017.
Per conéisser aquela iniciativa, clicatz aicí.

– D’elegits europèus e catalans an demandat al novèl president del Parlament europèu, l’Italian Antonio Tajani, que la lenga catalana siá oficialament utilizada al Parlament europèu, perque pensan que lo bilingüisme en aplicacion en Catalonha favorizarà lo projècte de diversitat lingüistic europèu, politica que deviá esser desvolopada per Sr Antonio Tajani.
Per ne saber mai, clicatz aicí.

– Un novèl mejan de difusion per internet es estat creat, mai distrasent e en anglés, sus l’istòria e sus l’activitat de la lenga frisona (parlada dins lo Nòrd dels País-Bas) e sus las originas comunas amb la lenga anglesa.
Per abordar l’aplicacion, clicatz aicí.