IEO Institut d’Estudis OccitansAccueil > L’IEO en français > Pour l’ÒC, je me bouge ! > Lire, faire lire en occitan > Literatura pels adolescents : jurada e remesa dels prèmis
Literatura pels adolescents : jurada e remesa dels prèmis
mardi 27 avril 2010
Un quinzenat d’òbras concorran pel concors d’escritura que l’Insitut d’Estudis Occitans inicièt per tal de remediar a una manca dins la literatura per adolescents. Compte tengut de la talha d’aquelas òbras, podèm dire qu’es una capitada al nivèl de la participacion.
Retenètz tre ara la data del 30 de julhet 2010 per la remesa oficiala dels prèmis. Se farà a l’Estivada de Rodés aprèp un debat a l’espaci Castanhada sus la tematica de la creacion en literatura joinessa amb Terèsa Pambrun, Sèrgi Gayral e Jaumet Demèsa. Tres escrivans occitans pels joves.
Ara, una jurada s’es montada, qu’es a legir las òbras. S’amassarà per deliberar a la debuta del mes de julhet.
Es compausada aital :
– President : Joan-Loís Lavit, escrivan,
– Un representant de la classa de tresena del collègi bilingüe Revolution de Nimes,
– Un representant de la classa de tresena del collègi Calandreta Leon Còrdas de Grabèls,
– Un representant de la classa de cinquena del collègi bilingüe de Negrapelissa,
– Un representant de la classa de cinquena del collègi Calandreta de Gasconha,
– Un representant de la premsa,
– Un representant de l’ensenhament,
– Un representant de la filièra del libre,
– Un representant d’IEO Edicions,
– Un representant de l’Institut d’Estudis Occitans.
Sètz totes convidats, solide !
Rendètz vos sus l’espaci Castanhada lo 30 de julhet a l’Estivada de Rodés.
Infòs : www.estivada-rodez.com
Un message, un commentaire ?
Pour participer à ce forum, vous devez vous enregistrer au préalable. Merci d’indiquer ci-dessous l’identifiant personnel qui vous a été fourni. Si vous n’êtes pas enregistré, vous devez vous inscrire.