IEO Institut d’Estudis OccitansAccueil > IEO en Occitan > Conéisser l’IEO > Vejaire > Cu se pòt crèire encara encuei que pluralitat linguistica = comunautarisme ?
Cu se pòt crèire encara encuei que pluralitat linguistica = comunautarisme ?
jeudi 3 février 2011
Toutes les versions de cet article : [français] [òc]
Objècte : a prepaus de la question orala dau deputat alsacian Armand Jung sus l’Estatut dei lengas regionalas : Dins un monde caracterizat per la multiplicitat dei fòrmas de comunicacion au nivèu mondiau, son au contrari lei dictaturas linguisticas qu’amenaçan la democracia.
E lo Govern pasmens refusa un còp de mai lo debat societau sus la pluralitat lingüistica. Brandussa tornarmai l’espaventau vielhanchon dau comunautarisme per respònsa a una question dau deputat alsacian Armand Jung que sonava lo ministre de la Cultura a prepaus de l’inscripcion a l’òrdre dau jorn dau Parlament de la proposicion de lèi relativa ai lengas e culturas regionalas.
Una rigiditat governamentala que nega la question, refusa de respòndre ais espèrs dei ciutadans e laissa s’avalir lo patrimòni linguistic nacionau (article 75-1 de la Constitucion).
Qu’es a dire : d’uneis articles de la Constitucion serián per figura puei que, En Châtel lo ditz l’article 75-1 engatja en ren la responsabilitat de l’Estat e duèrbe pas ges de drechs ai lengas regionalas dins lo país ?
L’Institut d’Estudis Occitans es pron deçauput d’aquesta respònsa que pretende que se pòt tot faire dins lo domèni dei lengas regionalas mentre que lei ciutadans se vèson entrepachats de lònga tre que vòlon practicar la lenga occitana dins sa vida jornadiera.
L’IEO tòrna afortir un còp de mai la necessitat absoluda d’una lèi, quadre legislatiu qu’organize e garantisse l’emplec de l’occitan dins la vida publica.
L’IEO tòrna dire sa volontat de renfortir son accion pròchi leis elegits per que quichan per qu’aquesta proposicion de lèi sus lei lengas regionalas siágue mesa a l’òrdre dau jorn dau trabalh de l’Assemblada Nacionala e dau Senat.
Veire lei questions oralas d’Armand Jung.
Pèire Brechet
President de l’Institut
d’Estudis Occitans
Un message, un commentaire ?
Pour participer à ce forum, vous devez vous enregistrer au préalable. Merci d’indiquer ci-dessous l’identifiant personnel qui vous a été fourni. Si vous n’êtes pas enregistré, vous devez vous inscrire.