Dorsièr d’Anem Occitans nº 128 : Las emissions en occitan

Emissions ponctualas, radios a dominanta occitana son quí recensadas per departament. De las estacions an una portada que vai au-delà dau departament. Dins queste cas es mencionada dins tots los departaments principaus ente emet emb una nòta per renviar.

Totas balhen d’auvir la lenga, o dau mens se ne’n parla. Atencion, lo mot occitan es daus un còps desconeguts. La lista fuguet bastida en foncion daus rensenhaments que chascun donet, laidonc se ne’n manca benleu. Contunharem de l’alimentar e de l’actualizar sur lo site www.paginas-occitanas.com (rubrica media ; radio e TV). De las radios an pus d’emission
en occitan per manca d’animator mas an totjorn la volontat de ne’n produire. Enfin tot quò d’aquí pòt semblar beucòp mas es a relativizar per rapòrt a la massa totala de las difusions hertzianas e FM e tanben l’amplor dau país. Quò es pas per res si lo collectiu Anem Òc reclama daus medias 100% en occitan. Esperem per lo moment que quelas paginas vos serán utilas per descubrir, tornar trapar una emission, o li se tornar fidelizar.