Julhet 2011 - IEO-IDECO : pichòtas novèlas del front

Pichòtas novèlas del front

­­

Literatura

una novèla colleccion

Classics occitans

 

Aquela novèla colleccion es nascuda d’una necessitat : tornar donar a un public larg los grands tèxtes de la literatura nòstra que se pòdon pas mai trobar que dins las bibliotècas. Dempuèi qualques annadas, es devengut plan mal aisit pels ensenhaires coma pels estudiants, o per un public mai grand, de trobar d’òbras de la literatura occitana que son majoralas. La lista dels artesans “desapareguts“ de la literatura es longa ; ara per ara las escasenças de los legir son claras e – en fòra de las antologias – es gaireben impossible de se poder carrar amb las poesias de Jean-Henri Fabre, de Clovis Hugues o los romans de Valère Bernard.

 

Avèm volgut que l’elegància de la colleccion siá sostada per la sobrietat de l’edicion. Aicí, es pas una ed cion scientifica que trobaretz. Plan paucas nòtas, un lexic s’aquò es necite mas sempre una introduccion de la man d’un especialista tan plan que biografia e bibliografia de l’autor per benlèu perlongar lo gost de la lectura. L’edicion del tèxte es basada sus l’edicion originala e la lenga de l’autor es conservada. Aital es lo prètzfach de la novèla colleccion Classics occitans.

 

Joan Thomas

 

 

 

Una sortida esperada

 

                                                                    Lo Libre dels ausèls                                                                   

Antonin Perbosc

                                                            

                        

 

Una mirgalhadura de cants, poèmas, contes ont l’ausèl es al centre de l’univèrs. Retrobaretz lo lauriòl, lo cardelin, o d’ausèls mens coneguts coma la ganitòrta. A l’aurelha, de poèmas coma un buf de vida, de cants

de jòia. Una poèsia leugièra e fresca d’un temps ont los poètas cantavan lor ligam a la natura.

Los dos libres dels ausèls “coma totei leis autrei peças esparpalhadas dins son òbra, son lei racòntes d’una iniciacion a l’escritura que seriá pas estada sensa l’escota dau mond que soleta la mediacion de l’aucèu la fai possibla.“ Aquel recuèlh nos remanda a “la recerca pacienta d’aqueu ligam primièr ont lo mond cosmic se confond amb lo dei mots occitans, aquelei mots que Perbosc, tot de lòng de son existéncia, s’es esforçat de lei sauvar de l’oblit. “ Felip Gardy

Aquela edicion es seguida d’un lexic dels noms d’ausèls establit per Pèire Thouy. Lo prefaci es estat escrich per Felip Gardy. La biografia coma la bibliografia son de Josiane Bru, etnològ, que menèt un vertadièr trabalh de fons sus l’òbra de Perbòsc.

 

Edicion religada sus papièr Cyclus

224 p. 14 x 24 cm. 21 € -

 occitan lengadocian

 

 

 

 

 

 

Agenda Estivada - Rodés -

27. 31 de julhet

 

Las edicions de l’ieo seràn presentas

de 11 oras a 21 oras,

sus l’Espaci Literatura - hall de la CCI - Bourran

 

 

Divendres 29 de julhet

“ Viatge al país d’Antonin Perbosc ”

Antonin Perbosc foguèt poèta, etnograf, pedagog e un dels renovators de la lenga occitana.

Sas escrituras tant variadas que ricas se maridan a sas diferentas òbras...

Un debat animat per Joan Eygun, amb Josiane Bru que menèt un trabalh sus l’òbra de Perbosc, Felip Gardy, prefacièr del Libre dels ausèls, Jòrdi Blanc, editor de la Correspondéncia Perbosc/Paulin. 

 

 

Lecturas - dedicaças joinessa - estand ieo edicions

Venètz nombroses, joves de cada atge ausir los autors premiats per l’ieo vos legir d’extraches de lors òbras que vos dedicaçaràn puèi.

« Dedicaça del Pacte » per Joan-Miquèu Dordeins

« Dedicaça de Cronicas pacolinas » per Magali Bizot-Dargent

 

Venètz retrobar los libres dels autors presents  - estand ieo edicions 

 Sus nòstre taulièr,  las òbras dels autors qu’intervendràn dins l’espaci Literatura :

 

Sarà Laurens

Sus lo viu, A Tots n°188, recuèlh de novèlas

 

Michèu Chapduelh

La Segonda luna, A Tots n°59, roman – 104 p. 5,5 €

De temps en temps, A Tots n°65, roman – 112 p. 5,5 €

Grizzly-John, A Tots n°134, roman – 158 p. 13,5 €

Un temps per viure, Messatges, poesia – 112 p. 10,7 €

 

Sèrgi Javaloyes

Trangas e tempèstas, A Tots n°171, roman – 12,5 €. 120 p.

 

Per comandar

per telefone a ideco : 05 63 75  22 26

siti de venda en linha :  www.ideco-dif.com

Per tota entresenha, nos podètz apelar

Del diluns al divendres

de 9 a 12 e de 14 a 17 oras

 

Literatura joinessa

A l’onor : los libres premiats per l’ieo

 

 

 

 

 

 

Cronicas pacolinas.

Magali Bizot-Dargent

 

 

« Arrestatz vos ! è !

Arrestatz vos, siáu aquí ! E mèrda ! Encara un còp ai mancat lo carri ! Aqueu saligòt de menaire, siáu segura que m’a vista ! L’a fach a bèl esprèssi de me laissar qui, abandonada en riba de rota, luench de tot, dins la freg ! » Lo jornalet d’una jova que plora e ritz, aima, fa la bèba, pat, mas sustot se mia, se revòlta e pòrta cranament sos dotze ans.

De pichòtas cronicas que tocaràn los joves e faràn rire los altres !

De legir sin moderacion.

Cronicas pacolinas obtenguèt lo primièr prèmi del concors de literatura joinessa de l’IEO.

                                                                                                         

Illustracion de cobèrta : Jeff-Ox’ivent

Recuèlh joinessa

102 p. 10,5 x 18,5 cm. 8 € - provençal

 

Lo pacte.                      

Joan-Miquèu Dordeins

 

 

Una ataca d’òmes encasquetats, la vida de Garmon que trantalha. Lèu serà enrotlat dins l’armada del senhor de Lamòta per onorar lo pacte... Una aventura dins lo temps dels cavalièrs ont las princessas e los senhors se desvelaràn al fial de l’intriga.

Un libre d’aventura als accents de l’Edat Mejana que s’adreiça als ados mas tanben als mens joves que se vòlon despaísar !

Lo pacte obtenguèt lo second prèmi del concors de literatura joinessa de l’ieo.

 

Recuèlh joinessa

144 p. 10,5 x 18,5 cm. 8 € - gascon