Lo NPLD (malhum de promocion de la diversitat lingüistica), que l’IEO n’es membre, nos presenta diferents rendetz-vos e accions avenidors per afortir la riquesa lingüistica d’Euròpa.

- Conferéncia Hitzargiark sus "De las lengas que s’illuminan mutualament" a Sant Sebastian, Espanha, los 23 e 24 de junh de 2016 : l’objectiu es de far conéisser los succèss dins lo renfortiment de las lengas minoritàrias, de favorizar l’encontre de sos promotors, de renfortir lor trabalh collectiu e de popularizar lo desvolopament de las lengas coma mejan de mai viure ensemble.

Per conéisser lo programa d’aquesta conferéncia, clicatz aicí.
Per s’i far marcar, clicatz aicí.
Per ne saber mai, clicatz aicí.


- Ofèrtas d’emplecs per los servicis de traduccion en lenga irlandesa de l’Union Europèa : mai de 180 pòsts seràn prepausats d’aicí a 2021. Una campanha de recrutament d’una primièra partida de 21 traductors vèn de començar.

Per mai d’informacions, clicatz aicí.


- Fòrum META-NET de 2016 "Al delà de l’Euròpa multilingüa" a Lisbona, Portugal, los 4 e 5 de juilhet de 2016 : lo malhum per la capitada d’una Euròpa tecnologica multilingüa, present dins 34 país europèus amb 60 centres de recerca, organiza son seisen fòrum que debatrà en particular del mercat e de las tecnologias multilingüas.

Per s’assabentar sus aqueste eveniment, clicatz aicí.


- Rapòrt de la Comission Europèa sus la diversitat dels ensenhaments prepausats als migrants e a las diferentas minoritats : estudi menat dins 28 país europèus que fa aparéisser los grands besonhs d’una populacion multiculturala e multilingüa, e d’unas recomandacions.

Per legir aqueste rapòrt, clicatz aicí.


- "Las darrièras tendéncias de l’aprendissatge educatiu", un rapòrt publicat en 2016 per l’OCDE : l’Organisacion de cooperacion e de desvolopament economiques vèn de publicar las mai recentas recercas sus las constrenchas demograficas, tecnologicas et economicas que tòcan l’avenidor de l’educacion del noirigat a l’atge adult e que regarda totas las professions educativas.

Per accedir a aqueste rapòrt, clicatz aicí.


Siti del NPLD : npld.eu