Lo NPLD (malhum de promocion de la diversitat lingüistica), que l’IEO n’es membre, nos presenta diferents rendetz-vos e accions avenidor per afortir la riquesa lingüistica d’Euròpa.

– Lo Centre Lengapax, la Direccion generala de la politica de las lengas de Catalonha et la ciutat de Barcelona organisan una conferéncia per discutir de la promocion e de la revitalisacion de las lengas localas dins diferents país los 24 e 25 de novembre de 2016 a Barcelona (Espanha). Seràn entre maites analisadas las responsas portadas per Africa del Sud, Soïssa, Índia, lFinlàndia e Eslovenia.
Per conéisser lo programa d’aquesta conferéncia, clicatz aicí.

– L’Associacion europèa de terminologia e lo TermCoord del Parlament europèu organiza la ochena conferéncia al somiu europèa de terminologia los 14 e 15 de decembre de 2016 a Luxemborg (Luxemborg). Seràn abordadas las recercas e las perspectivas dels especialistas al torn del tèma "vision et revision".
Per accedir al programa d’aquesta conferéncia al somiu, clicatz aicí.

– Un fòrum sus la diversitat lingüistic en Euròpa, a prepaus de l’amelioracion de l’integracion de las lengas europèas, serà organisat los 15 e 16 de decembre de 2016 dins la capitala europèa de la cultura, la ciutat basca de Sant Sebastian (Espanha). Seràn especialament estudiats los efièches de la mondialisacion sus l’évolucion de las lengas e los espleches e las iniciativas per lor preservacion.
Per en saber mai sus aqueste eveniment, clicatz aicí.

– En seguida d’una conferéncia tenguda lo 19 d’octobre de 2016 a Brussèlas (Belgica), una novèla platafòrma europèa en linha foguèt lançada, la "Planca per l’educacion escolara" (School Education Gateway). Lo principal objectiu es de donar als ensenhants de supòrts d’integracion que favorizan la diversitat dins lors salas de classa.
Per accedir a la platafòrma, clicatz aicí.