Lo NPLD (malhum de promocion de la diversitat lingüistica), que l’IEO n’es membre, nos presenta diferents rendetz-vos e accions avenidors per afortir la riquesa lingüistica d’Euròpa.

– Lo darrièr rapòrt sus la lenga catalana presentèt lo 29 de novembre de 2016 per l’Observatòri de la lenga catalana. Aqueste rapòrt es particularament interessant per comprener l’evolucion de las lengas en Euròpa.
Per accedir a l’integralitat del rapòrt, clicatz aicí.

– Lo primièr ministre canadian Justin Trudeau anoncièt lo 6 de decembre de 2016 la creacion d’un novèl cadre juridic per aparar e promòure totas las lengas autoctònas de Canada.
Per escotar son discors, cliatz aicí.

– Una conferéncia internacionala sus "las competéncias interculturelas : un desfís major per l’Euròpa" serà organisada del 12 al 14 de decembre de 2016 per l’Universitat Liura de Brussèlas (Belgica).
Per ne saber mai, clicatz aicí.

– Una conferéncia sus l’educacion escolara dels enfants, especialament dins sa diversitat lingüistica, organisèt per la Comission europea del 30 de novembre al 1èr de decembre de 2016.
Per conéisser l’eveniment, clicatz aicí.

– Conradh na Gaeilge, sòcia d’una associacion de promocion de la lenga irlandesa en Irlanda de Nòrd, organisèt una conferéncia lo 8 de decembre de 2016 sus los drechs lingüistics e los drechs de l’òme, en particular sus lo tèma de la proteccion de las lengas minoritarias.
Per ne saber mai, clicatz aicí.