Lo NPLD (malhum de promocion de la diversitat lingüistica), que l’IEO n’es membre, nos presenta diferents rendetz-vos e accions avenidors per afortir la riquesa lingüistica d’Euròpa.

– Lo festenal de cançon de las lengas minorizadas, dit LIET International e pairinejat per lo Conselh d’Euròpa, fach una crida per lo concors de cançons del festenal venent. La data limita de las candidaturas es fixada al 30 genièr venent e lo concors serà lo 13 d’abril de 2017 a Kautokeino (Norvègia).
Per ne saber mai sus aquel eveniment, clicatz aicí.

– Los candidats per lo melhor projècte o activitat de promocion de la diversitat lingüistica pòdon postular fins al 21 de genièr venent per lo pretz International Linguapax de 2017. Los postulants pòdon esser tan plan d’individús que de collectivitats e lo pretz serà donat lo 25 de febrièr de 2017.
Per conéisser las condicions d’aquel pretz, clicatz aicí.

– Una conferéncia sus lo ròtle de las lengas dins la conceptualisacion e la regulacion de l’apertenéncia dins un contèxt migratòri serà organizada del 23 al 25 de mars de 2017 a l’universitat d’Oxford (Reiaume-Unit).
Per abordar aquela conferéncia, clicatz aicí.

– Lo Centre européu de las lengas contemporanèas de Graz (Austria) a recentament publicat la tièra de las activitats que desvoloperà en 2017.
Per aver coneissença de sa planificacion, clicatz aicí.

– Mai d’una cinquantena de conferéncias, diferentas mòstras sus las lengas, divèrsas estudis de lingüistas e força autras activitats seràn organizadas del 20 al 21 de genièr de 2017 a l’Expolangues de Paris (França).
Per accedir a la tièra completa de las activitats prepausadas, clicatz aicí.