Letra als candidats a la Presidéncia de la Republica
Comunicat de l’IEO per las eleccions presidencialas de 2017 :
6 objectius per una Republica dels territòris, plurala, respectuosa dels dreches umans fondamentals de las compausantas divèrsas !
Dins lo cadre de sa participacion a ELEN-EBLUL França, lo malhum europenc per l’egalitat de las lengas, amassa amb l’ensemble dels representants de las autras lengas de França, l’IEO interpela las candidatas e los candidats a l’eleccion presidenciala de 2017 dins lo document en pèça junta qui es de bon difusar als condidats, als lors sostiens com a la premsa.
Resumissèm aicí dejos los 6 punts principals de la demanda comuna.
[...] Candidatas, candidats, sètz prèst(a) a botar en òbra los objectius seguents ?
Objectiu 1 : Mesa en conformitat de la França amb los tèxtes europeus e internacionals fondamentals tocant los dreches dels pòbles autoctòns e de las personas que son de grops lingüistics regionals o minoritaris ;
Objectiu 2 : Establiment d’un encastre constitucional e legislatiu que reconeis la pluralitat de la societat francesa e los dreches de las divèrsas compausantas lingüisticas e culturalas ;
Objectiu 3 : Donar los mejans necessaris per assuregar la presa en carga del servici public realizat per los establiments escòlars associatius de lenga regionala en immersion segon las recomandacions de las Nacions Unidas ;
Objectiu 4 : Organizar de servicis complets dins lo domeni dels mèdias, especialament de television en lenga regionala per favorizar l’expression reala de la diversitat de grops lingüistics regionals e territòrials (informacion, formacion, creacion, divertiment) ;
Objectiu 5 : Permetre la generalizacion de la lenga regionala dins la vida publica e la co-officialitat de las lengas ont la demanda sociala existís e en foncion de la realitat ;
Objectiu 6 : Establir de regions e d’entitats territorialas dont lo dinamisme e l’efficacitat son de realitats istòricas, culturalas e lingüisticas segon los desirs de las populacions concernidas.
[...]
