Seccions : Actualizacion deis informacions
IMPORTANT - ACTUALIZACION deis ADREIÇAS de CONTACT dau MALHUM de l’IEO
Cara sòcia, car sòci,
Avant la prima, bòn besonh de levar la pòussa e lei teleranhas dins lei paginas e fichiers de l’IEO.
Lançam una campanha per actualizar leis informacions de contact e de comunicacion dau malhum, saretz braves de nos ajudar.
- Lo public deu trovar sus lo site de l’IEO Nacionau e lei diversei paginas tematicas d’entresenhas recentas,
- Nos fau renovelar la mapa de presentacion de l’IEO que figurava sus lo site,
- Per l’usatge intèrne tanbèn nos fau de donadas corrèctas,
- Totei devon dispausar d’un anuari de l’ensems dau malhum fisable.
- Siam tanbèn tengut reglementariament de poder presentar un organigrama de l’ensems dei seccions.
Avètz recebut, un messatge que vos donava lo contengut actuau de çò qu’aviam per vòstre seccion.
AVÍS ! Lei destinataris que respondràn pas a aquesta verificacion seràn considerats, pecaire, per obsoletes e tirats de la basa.