L’IEO lançèt doncas un prèmi literari per desvelopar lo nombre de novèlas o romans virats cap al public de 10 a 16 ans. Es dubèrt a totes. Se pòt escriure dins totes los dialèctes de l’occitan. Los escriches son de mandar a l’IEO avans lo 28 de febrièr de 2010.

Gaire d’escriches pels adolescents existisson en occitan. Albums e bandas-dessenhadas se son plan desvelopats pels mai pichons que son de mai en mai nombroses a aprene a legir en occitan. Mas es important d’encoratjar totjorn los lectors occitanofòns de 10 a 16ans en lor propausar una literatura adaptada al lor atge.

 

L’IEO lançèt doncas un prèmi literari per desvelopar lo nombre de novèlas o romans virats cap al public de 10 a 16 ans. Es dubèrt a totes. Se pòt escriure dins totes los dialèctes de l’occitan. Cal que las òbras siaguèssen escrichas en grafia classica.

Las òbras son a mandar avans lo 28 de febrièr de 2010
La remesa del prèmi se farà lo 30 de julhet, a l’Estivada de Rodés.
Las òbras seràn jutjadas segon la qualitat dels racontes, la qualitat de la lenga emplegada e la capacitat a èsser legidas per un public larg.
A la clau, l’edicion e la difusion per IEO-IDECO de las doas primièras òbras retengudas, acompanhadas d’un chèc de 1500€ e 500€ dins l’òrdre de classament.
Los escriches se dèvon téner entre 80 000 e 200 000 signes e pas èsser presentats a primièra vista jos lo vòstre nom vertadièr.

Reglament deu prèmi
L’Institut d’Estudis Occitans (IEO) qu¹a constatat la manca de novèlas o romans en occitan entà gojatas e gojats.
Per’mor d’aquò qu’a decidit de crear un prèmi literari entà encoratjar l’escritura de novèlas e romans entaus gojats e gojatas de 10 a 16 ans e recompensar autors.
Ua jurada, qui la lista serà establida peu Conselh d’Administracion de l’IEO, que serà encargada de jutjar de la qualitat deus racontes, de la qualitat de la lenga emplegada e de la capacitat a estar lejut per un public larg.

1 - Novèlas o romans entaus adolescents
Longor minimau de 80 000 signes e maximau 200 000 signes.
– Purmèr prèmi : 1500 euros e edicion de l’òbra.
– Segond prèmi : 500 euros e edicion de l’òbra.

2 - Presentacion de l’òbra
Que cau signar l¹òbra que presentatz dab un escainom o un chafre.
Que presentaratz la vòsta narracion dens ua envolòpa. En dehòra d’aquesta envolòpa que marcaratz lo vòste chafre.
En ua huèlha qu’escriveratz lo vòste nom, prenom, telefòne, adreça. Hicatz aquesta huèlha en ua envolòpa mei petita. Qu’escriveratz lo vòste lèma o chafre au dehòra d’aquesta envolòpa. Barratz-la e hicatz-la dens la purmèra envolòpa.
Non s’acceptaràn pas los tribalhs on s’i vedi a purmèra vista lo nom de l’autor.
Presentatz lo vòste tribalh en interlinha simpla.
Que cau que presentitz copias de l’òbra en supòrt papèr e que l¹enviitz tanben en supòrt informatic (word o open office).
Que s’acceptarà ua sola òbra deu medish autor. Que cau que sia inedita.
L’òbra que deu estar redigida en lenga occitana e en grafia classica.
Las òbras que deven estar enviadas a l’Institut d’Estudis Occitans abans lo 28 de heurèr de 2010.
Los prèmis que seràn remetuts au mes de mai de 2010 a l’escasença de l’amassada generau de l’IEO.
Los manuscrits mandats non seràn pas tornats.
L’òbra ganhanta que serà editada e difusada per IEO-IDECO la maison d’edicion e de difusion de l’IEO. La jurada que’s resèrva lo dret de non pas premiar nada òbra o de’n premiar sonque ua se considèra que non i a pas nat manuscrit qui respon aus critèris de qualitat que jutja necessaris.

òbras a enviar :
Institut d’Estudis Occitans,
Ostal d’Occitania,
11 carrièra Malcosinat,
31000 Tolosa
direccion@ieo-oc.org

Fòto : © Gilles Chiroleu, l’écrivain, FlikR

Reglament del prèmi