Sètz aicí : Acuèlh > Nòstras missions > Ensenhar l’occitan > Aprenem l’occitan ! L’occitan, je m’y mets ! > Campanha 2009-2010 "Aprenem l’occitan ! L’occitan, je m’y mets"

Campanha 2009-2010 "Aprenem l’occitan ! L’occitan, je m’y mets"

Aprenem l’occitan ! es una campanha de pomocion dels corses d’occitan per adultes realizada per L’Institut d’Estudis Occitans, lo Centre de Formacion Professionala Occitan (CFPO) e l’Escòla Occitana d’Estiu (EOE).

Campanha 2009-2010

Gaitatz las cinc plaquetas que recampan los corses d’occitan pròche d’en çò vòstre, sus internet e per corrièr. Existís ara un malhum de corses variat e de proximitat, per totes los nivels de lenga dins Occitània tota.

Corses del ser, estagis de dimenjada, estagis d’immersion, corses per corrièr o sus internet. Un molon de possibilitats existisson per respondre a las vòstras esperas.

Qué se i trapa ? Mantunas rasons menan lo mond a venir a aquestes corses : Ajudar son enfant escolarisat en escòla bilingüa o immersiva, trapar un emplec ligat a l’occitan, conéisser melhor la cultura de son païs, sas rasigas, compréner l’origina dels noms de luòcs, dels noms d’ostal e las conversas dels ainats sus la plaça al mercat… e subretot i trapar de plaser.
Lo plaser d’aprene una lenga e de descobrir la cultura que i es ligada : cants, literatura, tradicion populara, provèrbis, istòria.

Existís un fum de bonas rasons d’aprene l’occitan, mas pas qu’una sufís, alara APRENEM L’OCCITAN !

Gaitatz los corses d’occitan sul siti internet www.aprenemloccitan.com.

Contacts :
Escòla Occitana d’Estiu
16, carriera Pujols
47300 Vilanuèva d’Òut
05 53 41 32 43
contact@aprenemloccitan.com

Lire la page en français
Portfòlio de l'article
Fichièrs de descargar