Las Paginas Occitanas es un annuari internet que recensa los actors d’Occitània, que siá al nivèl economic coma al nivèl cultural. L’objectiu es de balhar un punt de rescontre entre los actors e los que cèrcan quina competéncia que siá a l’entorn de l’occitan.

Un annuari internet per o trobar tot !
Las paginas occitanas es un servici util dins maitas circonstàncias :
–  Per un comitat de las fèstas que vòl organizar un concèrt e que cèrca d’artistas dins un domèni precís.
–  Per un regent qu’ensenha l’occitan e que cèrca d’intervenents exteriors en occitan.
–  Per un comerçant que voldriá vendre de produches etiquetats en occitan.
–  Per un particular que vòl practicar un espòrt o una autra activitat de léser en occitan.
–  Per tot lo monde que desira practicar l’occitan dins sa vida de cada jorn, e beneficiar de servicis en occitan.

L’utís de recèrca
Podètz efectuar la vòstra recèrca per mot clau, o en precisant lo luòc. Se pòt tanben passejar a son agrat dins las diferentas categorias e jos categorias : Cultura, Comèrcis e Servicis de proximitat, Torisme, Ensenhament, Espòrts e lésers etc.

Un servici actualizat regularament
Entre las estructuras que naisson, las que arrèstan lor activitat e las que cambian, lo site necessita un enriquesiment de longa. Tanben, tota persona o estructura repertoriada dins l’annuari a accès a las donadas lo concernissent e ne pòt demandar de modificacions : se pòt postar de fòtos, de sons e vidèos, de peças a telecargar, de tèxtes liures (extraches d’òbras, descriptiu mai precís de l’activitat…)

www.paginas-occitanas.com
Es l’annuari que vos fa mestièr !

 

panèl presentacion Paginas occitanas