15/03 : Acamp a la prefectura de Tolosa : presentacion deu dossier de securitat : preséncia de la Croix Rouge Française (plaça de l’Euròpa, passa-carrèra, Capitòli), policia municipau com policia nacionau, implicacions deus benevòles tà ajudar a la barradura de las carreras pròche deus baloards, els. La còla de la Coordinacion e de Convergéncia Occitana (Laurenç Gòsset (IEO - Coordinacion), Gemma Cuni (Coordinacion), Jocelyn Icart (Calandreta - Convergéncia Occitana) et Marçau Girbau (Convergéncia occitana)) que presentè un dossier reconegut seriós.

17/03 : Primada de Montsegur : organisada per Convergéncia Occitana, la purmèra edicion de Primada de Montsegur qu’esto l’escasença de tornar assabentar la poblacion de Miègjorn-Pirenéus (partenariat dab La Despacha e Radio Montaillou - FIMOC) de l’organizacion d’ua manifestacion a Tolosa lo 31 de març. Ua escaduda per ua purmèra, ont la Coordinacion qu’estoc representada per Ana-Maria Poggio, Vice-Presidenta de l’IEO.

19/03 : A l’Ostal d’Occitània, maugrat las circonstancias que coneishem, mobilisacion bela deus benevòles tà definir los darrèrs punts de cap a l’organisacion de la manifestacion. Dus taulhièrs qu’eston organisats, l’un dedicat a l’organisacion deu servici intèrne de securisacion de la manifestacion (ligam dab la CRF, la policia, procès en cas d’un mainat « perdut », eca…), l’aute a l’organizacion deu vilatge occitan plaça de l’Euròpa. La Coordinacion que demanda a l’ensems deus grops (per exemple dens cada bus) de definir duas personsa (o mei) que poderén contribuir a encadrar lo cortètge.

20/03 : Lo matin, conferéncia de premsa de la Coordinacion, en preséncia d’Ana-Maria Poggio e de Joan-Lois Blenet (Confederacion de las Calandretas)

A escotar sus http://www.ct2e.com

20/03 : En fin de vesprada, mercés a l’implicacion de l’associacion Brancaleone, e deu Francés Bacabe, serada de las belas au Bikini, a Ramonvila, pròche Tolosa, organisada tà sostiéner la manifestacion : Bombes de bal, Xavier VIDAL, RITA MACEDO/CARLOS VALVERDE, Manu KD (séga Réunionnais), Dua Fages/Lhubac, TAMARA (musiques Berbères), EZZA (musiques Touareg), Brankabodegaires (cornemuses bodega)… Ana-Maria Poggio e Laurenç Gòsset qu’eran presents tà sostiéner l’iniciativa.

Mai d’informacions sus http://www.lebikini.com/

Mobilisacion e comunicacion

Paperòts : La difusion deus paperots com de las afichas que contunha, dab lo dimenge 25, ua distribucion de las belas prevista au Stadium de Tolosa, abans l’encontre entre lo TFC e Auxerre.

Aperet a benevòles : se voletz estar benevoles peu 31 de març, que’vs cau contactar l’IEO31 (ieo31@orange.fr) o Gemma Cuni. Que cercam enqüèra « signaleurs » (que’vs cau mandar ua copia deu permis de conduire !) e las vostas coordonadas (n° de telefonet peu dia de la manifestacion).

Quizz França 3 : A l’escasença de la manifestacion deu 31 de març que’s debanarà a tolosa entà la reconeishança de la lenga occitana, l’IEO que participa a un quizz dab França 3 miègjorn-Pirenéus : a ganhar, lo libe de Magali Bizot-Dargent, premiat per l’IEO (editat en çò d’IEO edicions - 2011 - www.ideco-dif.com)

Esveniments culturaus e/o de sostien organisats a Tolosa abans la manifestacion

28/03, a 19h, a la Capèla, 36 carrièra Casanova, a Tolosa, 1èra ceremonia de las cogordas occitanas (« Cogordas awards »), o ceremonia de las alisadas sus las culturas & lengas minorizadas. La Coordinacion « Per la Lenga occitana », que compren l’IEO, Calandreta e Oc-Bi, qu’ei estada nomenada dens la categoria « publica » pr’amor de l’aficha oficiau de la manifestacion. A seguir donc !

29/03, a 19h, a l’Ostal d’occitània, organisat per Convergéncia Occitana, la « cançon deu Pais Tolosan que sostien la manifestacion deu 31 de març », dab Eric Fraj, JM Leclerc, Lou Dàvi e Primaël

30/03, a 19h, organisat per l’IEO, suu terrenh annèx n°1 deu Stadium de Tolosa, encontre internacionau de fotbòl entre Occitània (Associacion Occitana de Fotbòl) e los Sapmis (Laponia)