L’Institut d’Estudis Occitans (IEO), membre deu « Collectiu deu 31 de març de 2012 », de EBLUL-France e de l’ARILCR, que comunica :

Tà la reconeishança de las lengas e de las culturas regionaus e territoriaus hens la Republica : ua rompedura entre jacobins e democratas.

Las manifestacions deu 31 de març que son estadas ua vertadèra capitada pr’amor de l’amassada, hens quasi l’ensemble deu territòri de la Republica francesa, de mei de 60 000 manifestants tà la reconeishança deu dret de las lengas e de las culturas regionaus.

Los engatjaments deus candidats a la presidéncia de la Republica qu’amuishan ua "rompedura" visibla entre los nacionaus-jacobins, que son quilhats suu dògma "d’unicitat deu pòble francés" e democratas favorables tà un vertadèr estatut de dret de las lengas regionaus dens la Constitucion, en particular per la ratificacion de la carta de las lengas regionaus o minoritaras deu Conselh de l’Euròpa, bastida suu principis universaus deus drets de l’òmi e de la democracia.

Atau, los que s’engatjan en favor d’un estatut de dret de las lengas e de la ratificacion de la Carta Europèa :

- Eva Joly (EELV) : modificacion de la Constitucion, ratificacion de la Carta, co-oficialitat de la lenga dens las regions quac desiran (corrièr deu 30 de març de 2012 e programa) ;

- François Hollande (Parti Socialiste) : modificacion de la Constitucion e ratificacion de la Carta (discors de Rennes lo 4 d’abriu de 2012 e engajatment n° 56 deu programa) ;

- Philippe Poutou (NPA) : modificacion de la Constitucion, ratificacion de la Carta, co-officialitat en Corsega e en Bascoat (cf. l’intervencion del 31 de març de 2012 a Tolosa, Corse Matin, lo 20 de març de 2012 e las declaracions sus l’article Election présidentielle : la gauche radicale et le Pays Basque) ;

- François Bayrou (Modem) : ratificacion de la Carta (Courrier du 30 mars 2012 – interview 29/03).

Que s’opausan a la ratificacion de la Carta com a tot estatut oficiau de las lengas regionaus :

- Nicolas Sarkozy (UMP) : discors de Marselha lo 19 de heurèr de 2012;

- Jean-Luc Mélenchon (Front de Gauche) : entrevista sus França 3 Còrsa deu 23 de heurèr de 2012 ;

- Nicolas Dupont-Aignan (Debout la République) : corrièr deu 24 de heurèr de 2012 ;

- Marine Le Pen (Front National) : Comentaris pendent l’emission Rispostes a prepaus del bilingüisme francés-breton.

Ne s’engatja pas, shens estar «indiferenta aus drets culturaus e linguistics»:

- Nathalie Arthaud (Lutte ouvrière) : corrièr deu 24 de heurèr de 2012 et les déclarations sur l’article Election présidentielle : la gauche radicale et le Pays Basque).

Las diferentas posicions que se poden consultar suus sites : anemoc.org e languesregionales.org

(*) A Tolosa, Quimper, Baiona, Perpinhan, Ajaccio, Strasbourg, Metz, Lille, Annecy, Poitiers,…

Collectif du 31 mars 2012,

EBLUL-France, Réseau Européen pour l’Égalité des Langues
Association des Rencontres inter-régionales des langues et cultures régionales

9 straed La Tor d’Alvernhe
29270 KARAEZ:/ CARHAIX
Téléphone : 02 98 73 20 58.
collectiflanguesregionales2012@gmail.com