Lo 18 d’octobre de 2012, lo Conselh Generau qu’organizè ua "jornada" de sensibilizacion deu Personau de la PMI a l’entorn de la question deu bilingüisme precoç.

Lo matin, mercés a un tribalh coordonat entre los servivis de la cultura e de l’accion sociau, dauna Barbara ABDELILAH-BAUER, psicosociolog, consultanta e formadora en educacion bilingüe, que presentè pendent 1h30 un ensemble d’elements de cap au personau de la PMI convidat.
Aquesta accion qu’era la resulta deu congrés organizat a Aush, quauques annadas a, qu’esto a l’aviada de la campanha de sensibilizacion portada per l’IEO a l’entorn de la question deu bilingüisme precoç e de la transmission familiau de l’occitan "Enta’ua mainats bilingües, los motes que prenen autas dimensions"

Lo Conselh Generau deu Gers que decidè en 2012 d’anar mei abans enta’u bilingüisme, en tot aprestar un desplegant/CD de comptinas, que serà difusat en mei de la plaqueta de l’IEO.

L’IEO, solide, qu’era present mercés au son director, Laurenç Gosset, entà acompanhar, au ras de la seccion departamentau, aqueste lançament d’ua vertadèra politica volontéarsita entà l’occitan dens lo departament

L’article pareishut dens lo jornau Sud-oest, aicí