Vaquí la prima e ambe ela la primièra letra d’informacion !

Lo Volontariat ven just de començar, mantunes parelhs sont faches, las disctutidas an ja començat e a çò que me disan, se debanan plan !

Mas demòran encara personas soletas, e benlèu que vesètz aqueste messatge un pauc tard, e pensatz qu’avètz mancat las inscripcions, o alara que decidètz un pauc tard de vos inscriure, un formulari es diponible per que vos inscrivèssetz rapidament : picatz aquí !

Als parelhs, se anatz visitar luòcs partenaris de l’esveniment o d’autres mai, mandatz-nos comptes renduts, los publicarem aquí !

Podètz tanben nos mandar un compte rendut que faretz amassa del bar, de la stacion de metrò, del pargue ont vos seretz encontrats ! Prenem tanben tot exemple de çò que faretz amassa !
Per los que passan per telefòne, podètz nos parlar de çò qu’avètz charrat, dels punts comun que vos sètz trobats e mai se sètz luènh l’un de l’autre !

Eisitètz pas a far viure e a partegar vòstra experéncia del Volontariat !

Vos tòrni donar la mapa dels luòcs partenaris se jamai sabètz pas ont anar lo còp venent :

Afficher Luòcs Volontariat 2013 sur une carte plus grande

Pensàvem balhar punts de rescontre pendent lo Volontariat dins d’endreches plan definits e aquò dos o tres còps pendent las detz setmanas. Vos permetrà d’encontrar mai de personas e d’escambiar encara mai en occitan!

Aquò seriá pas obligatòri mas seriá una iniciativa de mai ! I podretz anar ambe d’autras personas que parlan occitan e far aital gropàs de discutidas !

I a Volontaris o Aprenents que serián interessats per nos ajudar a crear aquestes rescontres? En caldriá sus Tolosa, sus Montpelièr e en Provença.

Alara de qu’avètz fach aquesta setmana?