Tolosa, Ostal d’Occitània, lo divés 13 de seteme de 2013

Estèfe Ros (IEO) e Joan-Loís Blenet (CFPO), en preséncia de David Grosclaude (region Aquitània), Guilhem Latrubesse (region Miegjorn-Pirenèus), e Joan-Carles Valadier (comuna de Tolosa), que son 135 cors que son estats labellizats PARLESC per 2013-2014.

Tan los elegits com los representants culturaus membres de l’equipa PARLESC (associacion entre IEO e CFPOs) qu’an insistit suu besonh de har progreishar la qualitat de lenga ensenhada e d’augmentar l’auhèrta de cap aus adultes entà responer a ua demanda importanta.

Cad representant de las associacions posqui har lo bilanç deus cors enta’us adultes dens lo son parçan : las situacions que son hòrt diferentas e las ajudas publicas que son a còps absentas. Mes lo monde qu’èran d’acòrd: en mei de l’ensenhament enta’us mainats, l’ensenhament de la lenga enta’us adultes que permet d’assegurar ua continuitat entre las generacions e assegurar la transmission e l’usatge de la lenga en çò de la societat. Totun, que cau assegurar ua preséncia a minima de l’usatge de l’occitan dens activitats exterioras, en mei deus hestenaus dejà existents; qu’es l’enjòc d’ua socializacion escaduda de la lenga.

Los cors labellizats que son representats dab lo logo aus 3 chòts suu site www.aprenemloccitan.com