Conf de premsa per la caça als tresaurs d’occitània (bilanç)
Es una conferéncia de premsa organizada a l’Ostal d’Occitània, qu’a permetut d’oficializar lo lançament de la caça als tresaurs d’Occitània.
Laurenç Gòsset e Audrey Veaute per l’IEO, e Michelle Faure e Philippe Reclus, respectivament presidenta e animator de l’associacion Web Tresor, an detalhat las modalitat de foncionament d’aquela recèrca d’un tresaur amagat en Occitània.En anant al rescontre dels 17 partenaris labelizats, los aventurièrs, e en respondent simbolicament a una espròva (un questionari, un quizz), podràn obténer d’indicis per descubrir l’endrech del tresaur.
En anant al prèp de las seccions departamentalas e regionalas de l’IEO qu’an volgut participar al projècte, los aventurièrs podràn descodar un indici balhat jos la fòrma d’un pargamin codat, una ajuda suplementària per descubrir lo tresaur occitan.Fach per far conéisser e animar lo malhum dels labelizats "Òc per l’occitan", lo projècte se vòl mai que mai ludic, en mai, permet a totes, que parlon occitan o pas, de descubrir l’Occitània ambe mai d’un punt de vista que siá cultural, economic o toristic.
L’Estivada de Rodez serà un moment privilegiat per completar son passapòrt ambe los tampons d’una partida dels partenàris que seràn presents an’aquel festenal.
Tres, dos, un... en d’avant !!!
Mai d’entresenhas sus http://occitania.web-tresor.com/
E seguissètz las informacions sus las paginas twitter de Web tresor et las paginas facebook e Twitter e lo bòg del labèl "Òc per l’occitan".Trobarètz aquí dins lo portfolio la fuèlha de rota e lo passapòrt de la caça als tresaurs d’Occitània.
Doblidètz pas, aquela operacion es agratuita e sens obligacion de crompa !
