Que i a mila e ua faiçon de contribuir a las accions deu demiei associatiu, o quasi ! Que vos perpausam ací quauques exemples d’accions que’s poden menar dens las diferentas associacions. L’engatjament vòste que permeteré tanben de ne desvolopar d’autas e de tocar un public mei larg.

NB : Aquesta rubrica que serà enriquida au fur e a mesura de las contribucions e deus exemples (o demandas) precis que seràn recebuts.

Locutors :

- Qu’avètz ua bona pratica de la lenga, que volètz perméter a un aprenent de progressar, que’vs podètz desplaçar entau rescontrar o discutir a distancia (tel, skype...), ua 1/2 orada per setmana, o benlèu un pauc mei...

– Que volètz ajudar a la preséncia de la lenga dens manifestacions (discutidas, animacions, eca...),

– Que desiratz, doman o doman passat, préner en man un cors d’occitan, qu’avètz mestièr d’ajuda e d’elements pedagogics entas ac har,

– Que volètz escriver en occitan, participar a l’edicion de libes occitans (comitat de lectura, correccions...).

Tots :

– Que desiretz participar ad accions sus le bilinguisme, estar referent de cap a parents sus aquesta tematica (per un departament, un canton...),

– Qu’avète ua competéncia inforamtica, grafica, organisacionau...

– Que vos agrada de manipular chifras, dadas, de participar a la mesa a jorn d’informacions dens los sitits internet de la federacion, eca,

– Qu’avètz contactes dab entrepresas, elegits, clus esportius,... qu’an o aurén ua sensibilita, un interés de cap a la lenga e a al cultura occitanas,

– Que podètz tiéner un talhièr, presentar activitats, mòstras...

E subretot, avossitz d’autas ideas e envejas a portar, que’ns ac cau díser ! E hètz virar l’informacion dens lo vòste hialat.