Entà perméter ua reapropriacion de la lenga occitana hens la vita vianta, l’IEO qu’edita 2 librets gratuits dedicats au rugbi e au fotbòl, dus espòrts d’uei lo dia, que seràn seguits per d’autes..
Aquestes lexicòts que resultan de mei d’ua collaboracion :
Fotbòl : dab l’Associacion Occitana de Fotbòl (l’AOF) e l’ajuda de l’entrainador de l’equipa, lo Daidier Amiel. Examplaris qu’estón difusats au parat de l’encontre amistós, lo 30 de deceme de 2014, au TOAC a Tolosa entre l’AOF e l’Isla de Man (victòria de l’AOF 5 a 1).
Rugby : dab la seccion d’Aude de l’IEO e lo son animator afogat de 13, Alan Roch. Ua difusion importanta que serà organizada lo dissabte 24 de genièr a Carcassona au parat de l’encontre amistós entre los "Dracs" catalans e los "Chivalièrs catars"
Que contienen los lexicòts ?
En mei deu vocabulari especific e de las expressions, cada libreton que compren :
- un guide de la prononciacion de l’occitan (a partri deu lengadcoian, dab quauques claus entà los autes dialectes) ;
- ua mapa d’Occitània dab l’ensemble deus clubs professionaus (Liga 1 e 2 peu fotbòl, Tòp 14 e Pro D2 peu rugbi a 15, Elita 1 e 2 peu rugbi a 13 ;
- cansons emblematicas d’Occitània que se cantan dens los estadis.
On trobar los lexicòts ?
Exemplaris que seràn mandats dens las setmanas a viéner a cada seccion de l’IEO, entà un usatge adaptat : cors entau’s adultes com apers de comunicacion de cap aus clubs, aus clus de suportaires, e enfin de cap a l’ensemble deu amators d’espòrt que se poderén contactar atau..
Qu’es tanben possible de ne viéner cuèlher au sieti de l’IEO, au 11 carrèra Malcosinat a Tolosa (metro Esquiròl).
Quin futur entau’s lexicòts ?
La purmèra edicion, de la fin de 2014, que serà seguida per mei d’autas. Atau, que serà possible de’us editar dens d’autes dialectes (peu moment, sonque lo lexicòt de rugbi nos balha d’elements entau provençau e au gascon). Nos contactar !
Que serà tanben possible de modificar lo contengut dab per exemple, fotografias d’un club, logos diferents, entà assegurar ua difusion de las bèras. Nos contactar !
Enfin, l’oralitat que serà tanben integrada dens las futuras versions (projècte de 2015). Nos contactar !
Informacions :
Format : 8,5 x 16
Fotbòl : 28 paginas
Rugbi : 32 paginas
E après ?
Entà tocar lo public lo mei larg, d’autes lexicòts que seràn aprestats e ua taula redonda qu’ei a s’organizar de cap a la fin deu purmèr trimèstre, segurament a Tolosa, dab sportius professionaus e amators, e representants culturaus e politics.
Remerciements :
En mei de l’IEO 11 e de l’AOF, l’IEO que desira remercejar Didier Donnat (fotograf professionau, rugbi a 13), la seccion de l’IEO de Var e lo grop Nadau.
Los librets qu’estón realizats dab lo sostien financèr de la region Miègjorn-Pirenèus
