Lo site de la marca Òc Occitània qu’es a se bastir. Mèfi, que serà leu leu en linha !

Los objectius de la marca Òc Occitània

La marca de territòri Òc Occitània permet de desvolopar la reputacion e l’atractivitat d’un territòri. Occitània es un territòri istoric e cultural, federat per una lenga comuna, que cal aparar la perenisacion e l’usatge.

Lo primièr objectiu de la marca Òc Occitània es atal de concretizar lo territòri d’Occitània, per facilitar sa conscientizacion e sa compreneson per lo public e per influenciar sa percepcion del territòri.
La multiplicitat de sos actors e de sos terradors, son espandi geografica, sa determinacion administrativa multipla, fan d’Occitània un territòri que cerca sa coesion intèrna. La marca permetrà de federar al torn d’un estendard comun.

Lo segond objectiu de la marca Òc Occitània es de federar los actors que la sostenon, dinamizar e animar lo malhum IEO, desvolopar sos accions e lo nombre de personas interessadas per la lenga e la cultura occitanas.
La marca, que porta una vision d’Occitània (çò qu’a estat, çò qu’es e çò que serà dins l’avenidor), emmenarà los ciutadans dins un pròjecte e renfortirà l’ufan d’apertenéncia al territòri. Desvolopa tanben un imaginari del territòri, caldriá permetre d’afortir lo ligam afectiu del public o la promessa d’un ligam amb l’Occitània.

Lo tresen objectiu de la marca Òc Occitània es, gràcias a de levadors d’atrativitat e de fisança, de desvolopar a l’encòp l’economia e lo torisme sus lo territòri (e son radiacion a l’exterior), amb la valorisacion de la lenga e de la cultura occitanas.