Edicion d’un novèl lexic franco-occitan : la corsa camarguenca
Per desvolopar la socializacion de l’occitan dins lo quotidian del public, l’IEO a sortit en decembre de 2015 un novèl lexicòt agratís de sa colleccion "espòrts", la corsa camarguenca.
Aprèp l’edicion e la difusion fin 2004 de dos lexics francés-occitan sus los espòrts emblematics que son lo rugbi e lo fotbòl (que son a l’occasion tornats estampats), l’IEO fa paréisser un novèl lexicòt sus las corsas camarguesas. Realizat per Lisa Gròs, presidenta de Tè Vé Òc e ex-presidenta de l’Organisma departemental de Gard de las corsas camarguencas, aquel lexicòt es escrich en provençau nimesenc.
Qu’es una corsa camarguenca ?
Reconegut en 1975 coma un espòrt, aquela tauromaquia sens mesa a mòrt es practicada dins lo Gard, l’Erau, las Bocas de Ròse e un pòc dins lo Vauclusa. Dins una arena, los participants s’azardan a agantar dels atributs fixats sus lo cap e las corans d’un taure. Qualques 800 corsas son organizadas cada an e amassan un mond passionats.
Que conten aquel lexic ?
– de recòrds sus l’occitan, sa prononciacion e de las precisions sus la varianta utilizada dins aquel lexicòt, e una corta presentacion de la corsa camarguenca,
– un vocabulari franco-occitan sus seis tematicas especificas a las corsas camarguencas : lo taure, los òmes, l’arena, las corsas, la corsa e las expressions e escòrnas,
– un recuèlh de cansos occitanas,
– una carta de las arenas.Ont trobar aqueles lexicòts ?
La màger part sera distribuït tre 2016 al prèp dels organisators de corsas camarguencas per l’IEO de Provença-Aups-Còsta d’Azur, l’IEO de Gard, l’IEO de Bocas dau Ròse, lo Cercle Occitan de País d’Arle e Tè Vé Òc.
Una resèrva sera disponibla a l’IEO. Si que non, es possible de lo veire en linha aicí.Informacions :
8,5 x 16 cm
28 paginas
AgratísMercejaments :
J.P. Ode, R. Domergue, J. Ubaud et J.M. Sauvajol.
Lexicòt produch amb lo sosten financièr, en mai de las associacions partenarias, de l’Estat, de las regions Miègjorn-Pirenèus, Lengadoc-Rosselhon e Provença-Aups-Còsta d’Azur, del departement de Gard e de la vila de Nimes.
