Lo divendres 30 de julhet a 18 oras sus l’espaci de l’IEO a l’Estivada de Rodés, seràn remeses los prèmis als dos ganhants del concors de literatura per adolescents.

Amorçat en julhet de 2009 per l’IEO, aquel prèmi a per tòca de balhar de vam a la creacion literària per adolescents.

Dempuèi lo desvelopament de l’ensenhament bilingue e immersiu, un public de legeire es apareiçut, mas los adolescents entre 10 e 16 ans an gaire de que legir dins la lenga a l’ora d’ara. Los participants al concors an degut anar cercar los còdis novèls necessaris a aquel genre especial.

Collegians de classas de tresena e de cinquena an legit e debatut a l’entorn de 15 òbras per ne reténer sonque doas. Los joves lectors èran enquadrats per una jurada compausada de representants de la premsa, del libre, de l’ensenhament e de l’Institut d’Estudis Occitans.

Joan-Loís Lavit, President de la jurada e Pèire Brechet, President de l’Institut d’Estudis Occitans balharàn lors prèmis als dos autors ganhants.

Remesa dels prèmis :
Divendres 30 de julhet a 18 oras,
Espaci IEO
Estivada de Rodés (12).

Articles ligats :
IEO a l’Estivada
Jurada del concors
Reglament del prèmi